Жаңалықтар
2026 жылғы 15–16 мамыр аралығында Самарқанд мемлекеттік медицина университетінде (Өзбекстан Республикасы) «Фундаменталды, қолданбалы медицина және фармация жетістіктері» атты медицина жоғары оқу орындарының студенттері мен жас ғалымдарының 80-ші Халықаралық ғылыми-тәжірибелік конференциясы өтті.
Конференция жұмысына Қарағанды медицина университеті ішкі аурулар кафедрасының резиденттері қатысты. Іс-шараға Қазақстан, Өзбекстан, Ресей, Беларусь, Болгария, Үндістан, Латвия және басқа да елдерден келген 40-қа жуық медициналық университеттің өкілдері қатысты. Конференция аясында барлығы 1200-ден астам ғылыми баяндама ұсынылды.
Конференция қорытындысы бойынша университет резиденттері жүлделі орындарға ие болды:
Газетдинов Фарид Яудатович — «Гематология (ересектер)» мамандығы бойынша 1-курс резиденті — I орын.
Баяндама тақырыбы: «Қазақстандағы ересектердегі жедел лимфобластты лейкоз нәтижелерімен байланысты болжамдық факторлар».
Ғылыми жетекшісі: Тургунова Л.Г., м.ғ.д., профессор.
Гернега Кристина Александровна — «Гастроэнтерология (ересектер, балалар)» мамандығы бойынша 1-курс резиденті — I орын.
Баяндама тақырыбы: «Оппортунистік инфекциялардың (Clostridioides difficile және цитомегаловирус) ішектің қабыну ауруларының ағымына әсері».
Ғылыми жетекшісі: Ларюшина Е.М., м.ғ.д., профессор.
Дмитриева Инар Богдановна — «Ревматология (ересектер, балалар)» мамандығы бойынша 1-курс резиденті — I орын.
Баяндама тақырыбы: «Ревматоидты артрит кезіндегі буын деформацияларын циклдік цитруллинденген пептидке қарсы антиденелер мен ревматоидты факторды бағалау негізінде болжау».
Ғылыми жетекшісі: Алина А.Р., м.ғ.к., профессор.
Исагулова Алия Думановна — «Ревматология (ересектер, балалар)» мамандығы бойынша 1-курс резиденті — II орын.
Баяндама тақырыбы: «Өкпенің интерстициальды зақымдануымен жүретін жүйелі склеродермия: пациенттердің клиникалық-функционалдық профилі және өмір сапасы».
Ғылыми жетекшісі: Алина А.Р., м.ғ.к., профессор.
Конференция аясында Самарқанд мемлекеттік медицина университетінің ректоры, м.ғ.д., профессор Ризаев Жасур Алимджанович Қарағанды медицина университетінің ректоры, м.ғ.д., профессор Кошерова Бахыт Нұрғалиевнаға халықаралық ғылыми ынтымақтастықты белсенді дамытуы және жас ғалымдардың конференцияға қатысуына қолдау көрсеткені үшін алғыс хат табыстады.
Қарағанды медицина университеті әкімшілігіне және ғылыми жетекшілерге қолдау көрсетіп, халықаралық конференцияға қатысуға мүмкіндік бергені үшін шынайы алғысымызды білдіреміз.
