Жаңалықтар
13 ақпан 2026 жылы Симуляциялық және білім беру технологиялар орталығында резидентурада оқитын барлық мамандық пен курс резиденттеріне арналған тоқсан сайын өтетін «Кідіріссіз жағдайлар аумағы» байқауы «Жол-көлік оқиғасы» сценарийі бойынша өтті.
Байқау бакалавриат пен резидентурада алған білімдері мен практикалық дағдыларын жарыс форматында көрсетіп, шынайы клиникалық тәжірибеге барынша жақын жағдайларда тиімді командалық өзара іс-қимылды пысықтауға бірегей мүмкіндік береді.
«Кідіріссіз жағдайлар аумағына» 5-6 резиденттен құралған 6 команда қатысты. Сценарийге сәйкес Қарағанды–Қарқаралы тас жолында мотоцикл жүргізушісі мен «ГАЗель» жолаушылар шағын автобусының соқтығысуы салдарынан жол-көлік оқиғасы орын алды. Резиденттердің қатысуымен жедел жәрдем бригадасы оқиға орнына келіп, шұғыл медициналық көмек көрсетіп, зардап шеккендерді сұрыптап, тасымалдады.
Қазылар алқасының құрамында практикалық денсаулық сақтау саласының өкілдері — КМК №3 емхананың ана мен баланы қорғау қызметінің жетекшісі Таласпаева Гульназ Оразовна, , «Jusan med» ЖШС директорының емдеу ісі жөніндегі орынбасары Исатаева Шолпан Кудайбергеновна және СББТО жаттықтырушылары болды.
Байқау қорытындысы бойынша жеңімпаздар:
I дәрежелі диплом: Джамалединов Эльмир (ортопед-травматолог), Билалов Зуфар (ортопед-травматолог), Камбаров Вадим (ортопед-травматолог), Шилов Алексей (ревматолог), Омаров Диас (психиатр), Исатаев Темірлан (реабилитолог).
II дәрежелі диплом: Кайрат Айзада (педиатр), Малеванная Александра (педиатр), Сағынбаева Гаухар (неонатолог), Мамарахим Арайлым (неонатолог), Тарасевич Михаил (ортопед-травматолог).
III дәрежелі дипломдар: Мұратқызы Аида (аллерголог-иммунолог), Сейілхан Замира (аллерголог-иммунолог), Жүсіп Аружан (аллерголог-иммунолог), Тастабеков Жандос (хирург), Данияр Тұяқ (хирург).
