Жаңалықтар

«Қарағанды медицина университетінің қаңтар оқулары» 1950 жылдың 20 қаңтарында іргетасы қаланған ҚМУ құрылған күні құрметіне өтті. Оқулар медицина, білім және ғылымның өзекті мәселелеріне арналған актілік дәрістер форматында өткізілді. Жетекші сарапшылар мен академиялық қоғамдастық өкілдері медицина университетінің студенттеріне кәсіби бірегейлік, мотивация және құндылықтар бағдарын қалыптастыруға бағытталған дәрістер оқыды.



Баяндамалар жасады:
- Смирнова Ольга Викторовна, Қазақстан Республикасы Денсаулық сақтау министрлігі Медициналық және фармацевтикалық бақылау комитетінің Қарағанды облысы бойынша департаментінің басшысы.



- Тоқсамбаев Гамал Сайлауұлы, Қарағанды облысы денсаулық сақтау басқармасының «Қарағанды қаласының № 3 көпсалалы ауруханасы» ШЖҚ КМК директоры.



- Ларюшина Елена Михайловна, ҚМУ ішкі аурулар кафедрасының меңгерушісі, м.ғ.к., профессор.



- Шәкеев Қайрат Танабайұлы, ҚМУ хирургиялық аурулар кафедрасының профессоры.



«Қарағанды медицина университетінің қаңтар оқулары» университеттің дәстүрі мен медициналық білімге деген заманауи тәсілдерді біріктіріп, болашақ дәрігерлер мен саланың танымал кәсіби мамандарының арасында жан-жақты қарым-қатынас жасауға мүмкіндік береді.