Қарағанды мемлекеттік медицина университетінің үздіксіз кәсіби дамыту факультетінде, әскери кафедра базасында әскери бөлімшелер мен Қазақстан Республикасы қарулы құрылымдарының емдеу мекемелері әскери-дәрігерлік комиссияларының (ӘДК) бастықтары (төрағалары), орынбасарлары мен дәрігер-мамандарына арналған  «Әскери-дәрігерлік сараптама өткізудің ерекшеліктері» циклы бойынша біліктілікті арттыру курстары өткізілді. 

Аталған цикл бойынша біліктілікті арттыру жылына 2 рет (сәуір мен қазанда) өткізіледі. Онда жыл сайын Қазақстан Республикасы қарулы құрылымдарының әскери-дәрігерлік комиссияларының мамандары өздерінің кәсіби білімдерін жетілдіреді.

Бағдарлама ӘДК мамандарының кәсіптік қызметінің негізі бағыттарын қамтып көрсететін  оқу материалын мазмұндауға құрылған және келесі құрылымдық элементтерден тұрады:

- өздігінен әрекет етуге жоғары дайындықты қамтамасыз ететін қызметтік міндеттерді орындау бойынша кәсіптік білім жүйесі;

- Қазақстан Республикасының заңнамалық және құқықтық нормативтеріне сәйкес қызметтік міндеттерді орындауды қамтамасыз ететін құқықтық білім жүйесі;

Сабақтарды әскери кафедра бастығы, медицина ғылымдарының кандидаты, доцент, медицина қызметінің полковнигі А.М. Мұхаметжанов және кафедра оқытушылары медицина қызметінің отставкадағы полковнигі С.А. Ионов, медицина қызметінің отставкадағы майоры М.Қ. Әбдіхалықов, медицина қызметінің подполковнигі Б.С. Асқаров өткізді.

Әскери-дәрігерлік сараптама циклының ерекшелігі, оның әскери-дәрігерлік сараптама өткізу сұрақтарын реттеуде анағұрлым жетік және кешенді түсінік беріп және ведомстволық актілерге сілтемелік нормалары аз болып, кейбір жағдайларда нормаларды әртүрлі түсіндіру мен құқықтық белгісіздіктен құтылуға мүмкіндік береді.