Жаңалықтар

Мерейтойлық чемпионат аяқталды

28 Қараша 2019

2014 жылы университеттік спорт әуесқойлары тамаша сыйлық алды - футболдан университет чемпионаты. Өткен 5 жыл ішінде турнир күш пен танымалдыққа ие болды, сондай - ақ жанкүйерлер аудиториясын жинап үлгерді.

2019 жылдың күзінде кезекті ХХ-шы біріншілік аяқталды. Қыркүйек айынан қазан айына дейін 8 студенттік команда медицина университетінің ең мықты футбол жасағы атағына таласты. Чемпионатқа қатысуға келесі командалар өтініш берді: «Жалпы тәжірибе дәрігерлері» (капитаны Төлегенов Ақжол), «№4 жатақхана» (капитаны Зермуханбетов Ансар), «Жалпы Медицина» (капитаны Абдикарим Тұрар), «Жедел медициналық көмек» (капитаны Асаинов Сакен), «Академия» (капитаны Серикбаев Дияр), «Фармацевтика» (капитаны Сәрсембай Нұрдәулет), сондай-ақ біздің дәстүрлі қонақтар «ҚарМТУ» (капитаны Серікқали Құрманғазы) және «ҚарМТУ-2» (капитаны Нұрлыбек Нұрманов).

Барлық қатысушы командалар ойынның лайықты деңгейін көрсетті, біріншіліктің матчтары шын мәнінде қызықты және қызу болды. Чемпион «ҚарМТУ» және «Жедел медициналық көмек» командаларының финалдық кездесуінде анықталды. 8:4 есебімен дәрігерлерді жеңген қонақтар командасы бірінші рет ҚМУ чемпионатының жеңімпазы атанды.

Жүлделі орындарға ие болған командалардың барлық ойыншылары естелік сыйлықтарға ие болды.

Турнир қорытындысы бойынша Чемпионаттың символдық құрамасы анықталды:

Үздік қақпашы: Оспанов Асылжан (ҚарМТУ),

Үздік қорғаушы: Касымов Азамат (ЖМК),

Үздік шабуылшы: Асаинов Сакен (ЖМК),

Үздік ойыншы: Иманжанов Данияр (ҚарМТУ),

«Турнирдің ашылуы» - Әбдікәрім Тұрар (ЖМ).

Жастармен жұмыс жөніндегі бөлім,

Физикалық денсаулық орталығы

1973

пікірлер

пікір қалдыру үшін.