Білім беру сапасын арттыру мәселелерін талқылады
Ағымдағы жылдың 4-5 қазанында еліміздің киелі Түркістан
қаласында Қ.А.Ясауи атындағы Халықаралық қазақ түрік университетінде (Қ.А.Ясауи
атындағы ХҚТУ) Аккредиттеу және рейтингтің тәуелсіз агенттігімен (АРТА)
бірлесіп ұйымдастырылған білім беру сапасын қамтамасыз ету бойынша ІІІ
Орта-Азиялық Халықаралық Форумы өтті.
Форум мақсаты Орта-Азия өңірінде білім бер сапасын арттыру тәжірибесімен алмасу және өзекті мәселелерін талқылау болып табылады.
Біздің университет атынан м.ғ.д., профессор Молотов-ЛучанскийВилен Борисович; м.ғ.к., доцент Ахметова Сәуле Балтабайқызы; м.ғ.к., профессор Омарқұлов Бауыржан Қаденұлы; PhD, қауымдастырылған профессор Матюшко Дмитрий Николаевич, сапа менеджменті бөлімінің бастығы Емершина Анар Тиыштықбайқызы қатысты.
«АРТА/IAAR – медициналық білім беру сапасын бағалау» панельдік сессиясында м.ғ.к., профессор Б.К.Омаркулов «Медициналық білім берудегі виртуалды технологиялар» тақырыбында баяндама оқыды, онда «ҚМУ» КеАҚ-да қолданылатын виртуалды технологиялар туралы, «ТАМЕ» жобасы бойынша асқынған қарын диагнозымен виртуалды емделуші туралы, сондай-ақ медициналық қателіктерге жол бермеуге оқыту туралы мәселелер көтерілді.
Халықаралық форум жұмысының қорытындылары бойынша қарарлар қабылданды және қатысушыларға сертификаттар тапсырылды.
Қ.А.Ясауи атындағы ХҚТУ форумы аяқталғаннан соң форумның барлық қатысушыларына экскурсия ұйымдастырылды. Түркістан облысы мұсылман елі үшін Меккеге қажылыққа барумен теңесетін киелі, қажылық мекенімен атағы шыққан. Форум арқасында бізге тек білім мен тәжірибе алу мүмкіндігімен қоса, ежелгі Отырар қалашығына, Арыстан-баб кесенесі мен Қожа Ахмет Ясауи кесенесіне саяхат жасау бақыты бұйырды, ата-бабаларымыздың тарихына көз жүгірттік.