«Жалпы медицина» мамандығының 4 курс студенттері сыртқы академиялық ұтқырлық бағдарламасы аясында Абу Али ибн Сино атындағы Бухара мемлекеттік медицина институтында 2018 жылдың қыркүйек айынан желтоқсан айына дейін «Ішкі аурулар негіздері» және «Педиатрия негіздері» циклдарын оқыды.

Бухара жерінде медициналық білім мен ғылымның дамуы ежелгі тарихқа ие. Бухара қаласы маңындағы Афшана ауылында Авицена дүниеге келіп, медициналық білім алу фактісі Бухарадағы медицинаның дербестігін дәлелдейді. Бұхара мемлекеттік медицина институты 1990 жылдың қазан айында Өзбекстан Республикасының Министрлер Кабинетінің бұйрығымен құрылды. 1991 жылы Бухара мемлекеттік медицина институтына танымал ғалым Абу Али ибн Сино (Авиценна) аты беріледі. Қысқа мерзім ішінде Бухараның медициналық институты Өзбекстандағы үздік білім беру, мәдени және ғылыми дәстүрлерге ие жетекші медициналық жоғарғы оқу орындарының бірі болды. Университеттегі білім төрт факультетте (медициналық, педиатриялық, стоматологиялық, медициналық педагогика және жоғары мейірбике ісі) өзбек және орыс тілдерінде жүргізіледі. Институт ректоры, медицина ғылымдарының докторы, профессор Иноятов Амрилло Шодиевич Иноятовтың бағыты халықаралық тәжірибе мен халықаралық стандарттарды пайдалана отырып, білім беру мен зерттеу сапасын жақсартуға бағытталған. Бухара мемлекеттік медицина институты алыс және таяу шетелдердің жетекші медициналық мекемелерімен (Қазақстан, Австрия, Нидерланды, Корея, Жапония, Франция, АҚШ, Англия, Эстония, Қырғызстан, Ресей, Украина, Белоруссия) ынтымақтастық жасайды.

Кафедрада тәжірибелі, білімді және педагогикалық тәжірибесі бар жоғары кәсіби профессор-оқытушылар құрамы жұмыс істейді. Кафедралар жүйелі түрде оқу процесін жетілдіру, оқу пәндерін оқыту сапасын жоғарылатумен айналысады.

2018 жылдың 15 қарашасында Қарағанды ​​медицина университетінің студенттері  БухММИ студенттерімен кездесті. Институттың ректоры А.Ш. Иноятов өзінің құттықтау сөзін айтып, Қарағанды медицина университеті БухММИ-нің стратегиялық және адал серіктесі екенін атап өтті. Ол екі университеттер арасындағы келісім БухММИ үшін үлкен құрмет екенін және ол бұл өзара ынтымақтастықтың жаңа деңгейіне жол екенін атап өтті. Сонымен қатар, студенттер БухММУ студенттеріне біздің университеттің тарихы, дамуы және білімі туралы таныстырып айтты. Кездесу барысында Қарағанды медицина университетінде 1 қазанынан 1 қарашасына дейін академиялық ұтқырлық бағдарламасы бойынша болған, БухММИ стоматология факультетінің деканы Раджабов Отабек Асрорович және  стоматология факультетінің  3 курс студенті Саидуллаев Шахбоз өздерінің әсерлерімен бөлісті.

Студенттер мен оқытушылар медицина институтының қоғамдық өмірін мақтан тұтады. Студенттер институттың шығармашылық өміріне белсенді қатысады және медицина тақырыбы бойынша ғылыми зерттеулерге ерекше назар аударады. 2018 жылдың 15 желтоқсанында Бухара мемлекеттік медицина институты Қарағанды ​​медицина университеті мен Астана қаласының медицина университетінің студенттеріне экскурсия ұйымдастырды. Студенттер сондай-ақ ұлы діни жетекшісі Баходудин Нақбандди кесенесіне барды.

4 курс студенттері Қарағанды медицина университетінің ректоры, профессор   Р.С. Досмағамбетоваға, халықаралық ынтымақтастық бөліміне және Абу Али ибн Сино атындағы Бухара мемлекеттік медицина институтының әкімшілігіне ерекше алғысын білдіреді.