Будапешттегі (Венгрия ) Халықаралық стоматологиялық конгресс
2018 жылдың 8 мен 14 қазаны аралығында Қарағанды медицина
университеті атынан стоматология кафедрасының меңгерушісі С.Т. Төлеутаева,
кафедра ассистенті К.С. Мұхтарова және 2 жыл магистранттары Ж.Ж.Аширбекова мен
А.Ж.Бакирова Будапешт (Венгрия ) қаласында өткен Халықаралық стоматологиялық
конгресске, ортодонтия бойынша мастер-класстар мен көрмеге қатысты. Шақырушы
ретінде профессор PhD Peter Borbely, венгриялық ортодонттар ассоциациясының
президенті болды.
Халықаралық стоматологиялық конгресс 3 күн аралығында өтті, бағдарлама барысында стоматологияның келесі бағыттары ұсынылды: ортодонтия, пародонтологиямен имплантология, эндодонтия, эстетикалық стоматология. Біз ортодонтия және эндодонтты стоматология секциясына қатыстық. Шақырылған дәріскерлер Prof. Dr. Ramesh Sabhlok (БАӘ) и Dr. Mauricio Balut D. D. S (Мексика), MUDr Simona Dianiskova (Словения), Dr. Wassim Bouzid (БАӘ) өздерінің клиникалық тәжірбиелерінің ең қызықты деген клиникалық жағдайларын көрсетті.
Ортодонтия бойынша мастер класстар профессор PhD Peter Borbely-нің ортодонтия клиникасында бір апта көлемінде өтті. Мастер-класстарда рrof. Dr. Ramesh Sabhlok (БАӘ) и Dr. Mauricio Balut D. D. S (Мексика) ортодонтияның заманауи бағыттарын айқын ашып көрсете алды. Мастер -класстар мәселелік жағдайдың барлық аспектілерін толыққанды ашу мақсатында : қауіп факторларын, аурудың даму себептерін, клиникалық көрінісінің ерекшеліктерін, заманауи диагностикалау және емдеу әдістерін, науқастың жеке өзіндік ерекшеліктерін қоса отырып, дәлелді медицина қағиадалары негіздерін ескере отырып құрастырылды. Сондай-ақ ортохирургияның дамуы аясында жақ-бет хирургтарымен бірге клиникалық жағдайларды шешу ұйымдастырылды.
Венгер ортодонтия қауымдастығының конференциясында және ортодонтия бойынша интенсивті курстағы ұсынылған тақырыптар өте өзекті болып табылады, сондай-ақ, тек ортодонт-дәрігерлердің ғана емес, басқа да бағыттағы стоматологтардың қызығушылығын тудырды.
ЖОО ректоры, м.ғ.д., профессор Раушан Сұлтанқызы Досмағамбетоваға осындай мүмкіндік бергеніне шексіз алғыс білдерміз.
Ж.Ж Аширбекова,
А.Ж Бакирова
2 жылмагистранттары