Конференцияның барысында нәтижелі пікір алмасу болды, орыс тілін шетелдік аудиторияда оқытудың өзекті мәселелері жөнінде  мазмұнды баяндамалар оқылды.  ҚММУ орыс тілін шет тілі ретінде оқытушылары тілдерді оқытуда жаңа білімдік технологияларды, жаңартпашыл тәсілдемелерді іздеу, дамыту және енгізу, тілдік пәндерді оқытушылар арасында әдістемелік тәжірибемен және ақпаратпен алмасу, білім беру, ғылым және мәдениет салаларында халықаралық ынтымақтастық мәселелерін талқылаумен байланысты мәселелерге ерекше қызығушылықтарын танытты. Оқытушылар Ж.С. Акишева, Н.А.Бекбалакова, Е.Р. Келлер-Дедицкая, М.М. Туткушева, Н.Ф. Юшко ағылшын тілінде оқитын шет елдерінен келген студенттерге арналған орыс тілінің оқу бағдарламалары мен оқу материалдарын бейімдеу әдістемесі, орыс тілін шет тілі ретінде оқытудағы жаңартпашыл педагогикалық технологиялар, медициналық жоғары оқу орнының гуманитарлық және клиникалық кафедраларының педагогикалық тәжірибесіндегі интеграциялық үдерістер, медицина мамандықтарының аясында орыс тілін шет тілі ретінде кәсіби бағытталған оқытудың күрделі мәселелерін талқылауға белсенді қатысты. Кафедра меңгерушісі, филология ғылымдарының кандидаты Ж.С.Акишева баяндамамен сөз сөйледі.

    Конференция теорияшыл ғалымдар мен тәжірибешіл оқытушылардың әдістемелік ғылымды дамыту саласындағы, көптілділік білім беру аясындағы орыс тілін оқытуды қарқындату ісіндегі күштерін нығайтуға мүмкіндік туғызды.