Діни сауаттылықты арттыру мәселелері бойынша ҚММУ студенттеріне арналған семинарлық сабақтар
Жатақханада тұратын ҚММУ-дің 350 басқа қалалық студенті 15 мамыр мен 24 мамыр аралығында бірқатар семинарларға қатысты. Сабақтар Қарағанды қаласының Жастар ресурстық орталығының мамандары М.М.Аскер мен К.Ж. Гимадиеваның, сонымен қатар, студенттік өзін-өзі басқарудың жергілікті Комитет өкілдерінің тартуымен ұйымдастырылды.
Іс-шаралар «диалог алаңы» түрінде ұйымдастырылып, аудиториямен тікелей байланыста жұмыс істеуге мүмкіндік берді.
Сабақтар барысында балаларға дін саласындағы мемлекеттік саясаттың негізгі аспектілері түсіндірілді. Студенттерді Қазақстан Республикасында діни қызметті реттейтін нормативтік-құқықтық актілерде қамтылған негізгі ұғымдармен таныстырды.
Аудиториямен тікелей байланыста резонанстық тақырыптар да талқыланды, сонымен қатар, топтарда психологиялық ойындар ұйымдастырылды. Сондай-ақ, көрермендерге «Терроризмге жол жоқ, экстремизмге жол жоқ!» қоғамдық акциясына қолдау көрсетуге шақыра отырып, Қарағанды облысының Дін істері басқармасының тапсырысы бойынша дайындалған бейнеролик көрсетілді.
Жалпы алғанда, іс-шаралар іскерлік, жұмыс атмосферасында өтті. Студенттер пікірталасқа белсене қатысты, қызықты сұрақтар қойды, бұл олардың осы тақырып бойынша тиісті білім алуға деген қызығушылығын білдіреді.