Дебрецен университетінің(Венгрия) профессоры Питер Борбелидің ҚММУ-не келуі
2018 жылдың 23 сәуірінен 5 мамырына дейін Қарағанды мемлекеттік медицина университетіне Дебрецен университетінің (Венгрия) профессоры Петер Борбели келген болатын.
Сапар барысында профессор студенттерге дәрістер оқыды және ҚММУ-нің бала жасындағы стоматология және хирургиялық стоматология кафедрасында практикалық сабақтар өткізді, сонымен қатар тәжірибе алмасып, оқытушылармен достық қарым-қатынас орнатты.
Профессор ҚММУ-нің ректоры Раушан Сұлтанқызы Досмағамбетовамен кездесті. Раушан Сұлтанқызы профессорға Қарағанды облысында орналасқан ГУЛАГ-тың ең үлкен түзету еңбек лагерінің бірі болған «Карлаг» түзету-еңбек лагерінде саяси қуғын-сүргін құрбандарын еске алу кітабын сыйға тартты.
Халықаралық ынтымақтастық бөлімі профессорға ҚММУ-нің практикалық дағдылар орталығына, Анатомия мұражайына экскурсия ұйымдастырды. Сондай-ақ, профессор Қарлаг мұражайына барып қайтты.
Болашақта ҚММУ Венгрияның жоғары оқу орындарымен ынтымақтастықты кеңейтуді жоспарлап отыр.