Қарағанды мемлекеттік медицина университетінде «2018 жылғы Бос орындар жәрмеңкесі» өтті
2018 жылдың 29-30 наурызында Қарағанды мемлекеттік медицина
университеті түлектерінің клиникалық жұмыс және түлектерді жұмысқа орналастыру
бөлімі Қарағанды мемлекеттік медицина университеті қабырғасында жыл сайын ұйымдастырылатын
бос жұмыс орындар жәрмеңкесін өткізді. Бұл студенттер мен жұмыс берушілер
арасында үлкен қызығушылық тудыратын біздің университетіміздің дәстүрлі
іс-шарасы болып табылады.
Жәрмеңкеге Оңтүстік Қазақстан, Жамбыл, Солтүстік Қазақстан, Қарағанды, Павлодар, Ақмола және Қостанай облыстарынан, сондай-ақ Алматы және Астана қалаларынан келген 220-ден астам медициналық ұйымдардың 270-ден астам өкілдері, сондай-ақ «Жалпы медицина, «Стоматология», «Қоғамдық денсаулық сақтау», «Фармация», «Фармацевтикалық өндіріс технологиясы», «Мейірбике ісі», «Биология» мамандықтарының түлектері қатысты.
Клиникалық жұмыс және үздіксіз кәсіби дамыту жөніндегі проректор Б.Н. Көшерова Бос
орындар жәрмеңкесін ашып, клиникалық жұмыс және түлектерді жұмысқа орналастыру
бөлімінің бастығы Б.К.Омарқұлов 2018 ж. түлектері мен контингенті туралы
ақпарат берді. Содан кейін жұмыс берушілер мен әкімдіктердің өкілдері қала мен
ауылдық жерлерде жұмыс істеуді жоспарланған түлектерге арналған көптеген
ұсыныстарын білдірді.
Жұмыс берушілер түлектерге ұсынған әлеуметтік пакетпен таныстырды, тұрғын үй
проблемаларын шешу, несиелендіру, біліктілігін арттыру, сондай-ақ
ерлі-зайыптылардың орналасуына көмек көрсету және жас дәрігерлердің балаларын
мектепке дейінгі мекемелерге орналастыру бойынша көмектерін ұсынды.
Бос орындар жәрмеңкесінің аясында жұмыс берушілер сұраунама жүргізді, оның қорытындысы бойынша түлектердің теориялық және тәжірибелік оқыту деңгейі лайықты бағаланды. Біздің жоғары оқу орнымыздың жоғары білікті түлектері еңбек нарығында сұранысқа ие, бұл жұмыспен қамтудың жоғары көрсеткішімен дәлелденді - 99% (2016 ж.), 95% (2017 ж.).
Қарағанды мемлекеттік медицина университетіндегі бос орындар жәрмеңкесі жас мамандардың мансабы үшін керемет бастама мен іске қосу алаңына айналуы мүмкін.
Университет қызметінің негізгі жақсы көрсеткіші оның түлектері болып табылатыны сөзсіз. ҚММУ-нің 33 мыңнан астам түлектері Қазақстанның барлық өңірлерінде, сондай-ақ жақын және алыс шетелдерде табысты қызмет атқарып жатқан жоғары білікті дәрігерлер.
Клиникалық жұмыс және түлектерді жұмысқа орналастыру бөлімі