Қазақстан Республикасының Президент әкімшілігі, Қазақстан Республикасының Білім және ғылым министрлігінің Ғылым комитеті, Мемлекет тарихы институты, тарихшылар Қауымдастығының конгресі, 2017 жылдың 10 қарашасында ЭКСПО-2017 Конгресс орталығында «Рухани жаңғыру: Алаш және азаттық идеясының сабақтастығы» атты халықаралық ғылыми-практикалық конференция өткізді. Конференцияға қатысушыларға құттықтау сөзді Қазақстан Республикасының Мемлекеттік хатшысы Г.Н. Әбдіқалықова арнады. Конференцияға Қазақстан Республикасы Мәжіліс парламентінің депутаттары, қоғам қайраткерлері, Министрліктер мен мекеме ұйымдарының қызметкерлері, ғалымдар, Шетелдік ғылыми-зерттеу институттарының басшылары: Түркия Республикасы, Өзбекстан Республикасы, Әзірбайжан Республикасы, Башқұртстан Республикасы, Қырғыз Республикасы, оқытушылар және бұқаралық ақпарат ұйымдарының өкілдері қатысты. ҚММУ Қазақстан тарихы және әлеуметтік-саяси пәндер кафедрасынан аталған маңызды конференцияға кафедра меңгерушісі философия ғылымдарының кандидаты, доцент Қ.А. Темірғалиев, тарих ғылымдарының кандидаттары, доценттер: Б.Қ. Қыздарбеков, А.Е. Даниярова, Б.С. Малыбаева, А.Т. Молдашева шақырылды.