ҚММУ-де өткен тұмауға қарсы вакциналау
Қарағанды мемлекеттік медицина университетініңректоры Раушан Сұлтанқызы Досмағамбетова вакциналау жөніндегі науқанға қатысып, тұмауға қарсы вакцина алды.
2017 жылдың 11 қазанындасағ. 09:00-17:00 аралығында Қарағанды мемлекеттік медицина университетінде ЖОО студенттері мен қызметкерлерін тұмауға қарсы вакциналау туралы науқан болып өтті.
Тұмау – бұл вирус арқылы пайда болатын тыныс алу жолдарының жіті жұқпалы ауруы. Тыныс жолдарының жіті вирустық инфекциялары (ТЖЖВИ) тобына кіреді. Эпидемия және пандемия түрінде қайта-қайта таралып отырады. Вакцинаны қолдану вирустық инфекцияға қарсы жоғары иммунитетті қалыптастыруға ықпал етеді.
Вакциналау үшін ҚММУ-де «Гриппол-Плюс» (тұмауратқан триваленттік инактивтенген полимер-суббірліктік вакцина)вакцинасы қолданылды. Жалпы алғанда, ЖОО-ның 270 студенті мен қызметкерлеріне вакцина салынды.