Пуатье Университетінің (Франция) профессоры Патрис Ноданның Erasmus+ халықаралық кредиттік ұтқырлық бағдарламасы аясындағы ҚММУ-не академиялық ұтқырлығы
2017 жылдың 19 мен 23 маусым аралығында Қарағанды
мемлекеттік медициналық университетіне Пуатье Университетінің (Франция) ғылыми
факультетінің халықаралық қатынастар бойынша деканының орынбасары Патрис Нодан
келіп кетті.
Профессордың сапары Erasmus+ халықаралық кредиттік ұтқырлық бағдарламасы аясында өтті.
Пуатье Университеті ҚММУ-нің басты серіктестерінің бірі болып табылады. Екі жоо-ның арасындағы ынтымақтастық Erasmus+ бағдарламасы аясында бастау алды. Екі жақты өзара белсенді әрекеттестіктің нәтижесінде 2017 жылдың 13 маусымында екіжақты ынтымақтастық туралы Келісімге қол қойылды.
2017 жылы ҚММУ-нің ӘБҚ-нен 3 өкіл (Халықаралық ынтымақтастық және Болон процесі бөлімінің бастығы – С. Б. Қасымова, ҮДФ деканының орынбасары – А. Б. Бокаева және Жалпы медицина және стоматология факультетінің 1 курс деканының орынбасары – А. С. Байменова) және 1 оқытушы (молекулярлы биология кафедрасы – аға оқытушы А. Б. Николаева) Пуатье Университетіне француз тарапының басқарудағы, оқыту және зерттеудің түрлі салаларындағы тәжірибесін үйрену мақсатында іс-сапарға барып қайтты. Өз кезегінде, біздің университетке Пуатье Университетінің екі профессоры – Брижит Ванье мен Поль Сеит 2017 жылдың мамыр айында келіп кетті. Сапардың нәтижесінде ҚР ДМ-нің 2017 және 2018 ж. арналған бағдарламасы бойынша ҚММУ-не шетелдік мамандарды тарту бойынша позициясына кандидатуралары ұсынылды.
Профессор Патрис Ноданның келуі екіжақты тәжірибемен алмасудың қисынды жалғасына айналды. Сапар барысында Пуатье Университетінің профессоры Патрис Ноданмен ҚММУ-нің Ректоры Р. С. Досмағамбетованың, стратегиялық даму, ғылым және халықаралық ынтымақтастық бойынша проректоры А. А. Тұрмұхамбетованың кездесуі болды. Профессор Қарағанды мемлекеттік медицина университетімен таныстырылды: сонымен қатар халықаралық ынтымақтастық және Болон процесі бөлімімен таныстырылды. Сонымен бірге, Патрис Нодан деканаттардың ұйымдастырушылық құрылымы және жұмысын, оқу-әдістемелік жұмысы Департаментінің жұмысын бағалады.
Жұмыс бағдарламасынан бөлек, профессорға мәдени бағдарлама да ұсынылды, профессор «КарЛаг» мұражайы мен Қарағанды қ. Француздық Альянсына барды.
Профессордың сапары ҚММУ мен Пуатье Университетінің Erasmus+ бағдарламасы аясында халықаралық кредиттік ұтқырлықтың грантын тағы жеңіп алғандығы туралы хабарламамен аяқталды.