Анатомия және гистология бойынша пәнаралық олимпиада.
2017 жылдың 20 мамырында
анатомия және гистология кафедраларының ұйымдастыруымен анатомия және гистология
пәндері бойынша пәнаралық олимпиада өткізілді. Студенттердің олимпиадалары болашақ мамандардың шығармашылық қабілеттерін
арттыратын, ғылыми зерттеуге деген ынталарын дамытатын,
ұйымдастырушылық-педагогикалық қызметін жандандырып, студенттердің арасында
ғылыми білімді насихаттауды оқудың алғашқы қадамдарынан бастап-ақ жүргізудің
бірден-бір құралы болып саналады. Студентік олимпиада анатомия және гистология бойынша
болашақ мамандардың теориялық және тәжірибелік дайындық деңгейін тексеруге
мүмкіндік береді. Студенттік олимпиада ғылыми зерттеу, әкімшілік және
ұйымдастырушылық-педагогикалық қызмет, аспиранттық және магистратуралық
дайындау барысында шығармашылық тұрғыда ойларын жеткізе алатын жастарды
анықтап, іріктеуге көмектеседі. Олимпиаданың берген шығармашылық тәжірибесін
оқу процесін жаңғыртуды жалғастыру және университетішілік олимпиада қозғалысын
дамытуға қолдануға болады. Олимпиаданың мақсаты дарынды студенттерге
қолдау көрсетумен қатар, теориялық шешімге қабілетті және теориялық-тәжірибелік
есептерді өз бетінше шеше алатын, шығармашылық және ғылыми жұмыстарды іске
асыратын студенттерді анықтау болды.
Екінші кезеңде студенттерге анатомия және гистология бойынша 10 параклиникалық жағдайлық есептер берілді. Сондай-ақ екінші кезеңде 10 гистологиялық микросуреттермен анатомиялық суреттер ұсынылды. Олимпиаданың жеңімпаздары мен жүлдегерлері олимпиаданың 2- кезеңіне қатысқандардың жеке жиынтықты көрсеткіші бойынша анықталды. Жинаған балдар көрсеткіші бойынша жүлдегерлер анықталып, олар дипломдармен, мақтау қағаздарымен мараппатталды. 1- дәрежелі дипломмен 2-001 топ студенті Ә.Ә.Едіге, 2-дәрежелі дипломмен - 2-023 тобының студенті Р.Е.Ахмедия, 3-дәрежелі дипломмен: 2-012 тобының студенті Г.С.Тукенова, 2-023 тобының студенті Д.А.Ибадуллаева, 2-023 тобының студенті Г.А. Амирханова. 8 студент мақтау қағазымен мараппатталды.
Олимпиаданы ұйымдастыру анатомия және гистология кафедраларының профессорлық-педагогикалық құрамының жетекшілігімен жүзеге асты.