Пәнаралық сабақ - инновационды оқыту әдісі ретінде.
Қазіргі оқыту
бағдарламасында инновационды технологияларды қолдану оқушылардың өзіндік және
топтық жұмыста шығармашылық , зеуттеушілік жақтарын дамыту үшін қолданылады.
Инновационды оқыту әдісінің бірі - пәнаралық сабақ болып табылады. Пәнаралық
оқытуға көп сенім артылады , себебі ол оқыту процесін арттыруға ықпалын
тигізеді.
18.05.2017 ж. Қарағанды мемлекеттік медицина университетінің тәжірибелік дағдылар орталығында кафедра қызметкерлері жүргізген, пәнаралық сабақ өткізілді. Балалар аурулары №2 кафедра меңгерушісі м.ғ.д, профессор Б.Т.Тукбекова және Жедел және кідіріссіз медициналық көмек №1 кафедра меңгерушісі м.ғ.к. , профессор м.а А.Р.Алпысованың бақылауында «Жедел ауруханадан тыс,тыныс алу жеткіліксіздігімен асқынған пневмониясы бар науқасты диагностикалау және ем жүргізу тактикасы» тақырыбына сабақ өткізілді. Бұл сабақтың негізгі мақсаты науқасты диагностикалау , емдеу тактикасын госпитализацияға дейін және госпитализация кезендерінде жүргізу, теориялық және тәжірибелік дағдыларды жалпылай, тереңдетіп, жүйелеп оқыту болып табылады.
Пәнаралық сабақ біз үшін өте пайдалы болды, себебі шұғыл жағдайларда диагностикалау және көмек көрсетуге, топта бірігіп жұмыс істеуді,бірге шешім қабылдауға үйрендік,тәжірибелік дағдыларымызды арттырдық.
Балалар аурулары №2 кафедрасы , Жедел және кідіріссіз медициналық көмек №1 кафедрасына және құрастырушыларға шексіз алғысымызды білдіреміз. Осындай сабақтар униерситетіміздің қабырғасында көп өткізілуіне және клиникалық жағдайлардың көбеюіне сенеміз.
4-102 топ студенттері: С.К. Баймаганбет, Д.М. Ахметжанова, Р.К. Турсынбекова.