Кәсіптік бағдар беру жұмысы
2016-2017 оқу жылына арналған кәсіптік бағдар беру жұмысын жүргізу жоспарына сәйкес патологиялық физиология кафедрасының аға оқытушысы С.М. Аринова №15 ОБМ 11-сынып оқушылары арасында ай сайынғы кәсіптік бағдар беру жұмысын жүргізді. Мектепке айында екі қайтара барып насихат әңгімелер жүргізілді. Мектепте бір он бірінші сынып бар. Он бірінші сынып оқушыларымен кездесу айына 2 рет өткізілді. ҚММУ- нің даму тарихы, құрылымы туралы, игеріп шығатын мамандықтар, соның ішінде «Медициналық-профилактикалық іс», «Қоғамдық денсаулық сақтау», «Фармация», «Мейіргер ісі» және «Биология» мамандықтары туралы айтылды. Оқушыларға арнайы буклеттер және жарнамалық плакаттар ұсынылып, насихат жұмысы жүргізілді. Оқушылар қызығушылық танытып, өздерін ойландырған сұрақтарын қойды. №15 ОБМ әкімшілігі осындай кездесулер өткізуге қуана келісетіндіктерін, мүдделі екендіктерін білдірді. Мен өз тарапымнан мектеп басшылығына алғысымды білдіре отырып, болашақ талапкерлерге алда тұрған емтихандарын жақсы тапсыруға сәттілік тіледім!
