«Біз жұлдыздарды жарқыратамыз»
Ерекше дауыс
иелерінің өнері, көңілден шығатын әзілдер мен әсем билер – бұлардың барлығы
ҚММУ бас корпусының қабырғасында №1 ішкі аурулар кафедрасының 6-курс интерндерінің
жүргізген «Біз жұлдыздарды жандырамыз» атты жарқын және естен кетпестей
концертінен басты көріністер.
10 ақпанда 329- аудиторияда №1 ішкі аурулар кафедрасының мұғалімдері, интернатура деканатының өкілдері және де талантты қатысушылар – 6- курс интерн-терапевтерінің басын қосқан іс-шара болып өтті.
Концертті керемет жүргізушілер С.Юнусов (6-036) және Н.Самойлова (6-050) көтеріңкі көңіл-күйде бастап, көрермендерді қарсы алды. Сахнаға алғаш болып шыққан Б. Дүйсенова, А. Тұяқбаева, А. Лес, Ш. Алламұратова (6-043, 6-044) ұлттық нақыштағы киіммен, қазақтың салт-дәстүрінен сыр шертетін әсем биімен кешті ашты.
Кеш жалғасы 6-049 және 6-50 топтар дайындаған ЖОО-ның және №1 ішкі аурулар кафедрасының ғылыми-медициналық іс-шаралары жөніндегі бейнежазбамен жалғасты. Кафедраның өмірінен алынған бейне үзінділерді көрермендер ыстық ықыласпен және көтеріңкі көңіл-күймен қарсы алды.
Қ. Жылысбай (6-037) «Әке-ана», А. Нехметжанов «Моя девушка учится в меде», А. Молдабекова (6-040) «Менімен биле» атты қазақ және орыс тілдеріндегі әндер орындап, өздерінің вокалдық өнерлерін көрсетті. Сондай-ақ, гитарамен музыкалық композиция- попурриді А. Ахметов (6-056) орындады, одан әрі домбырада «Адай» күйін шерту арқылы Д. Ахметов (6-038) залды серпілтті.
Өзгеше және түрлі-түсті үнді биімен Н. Самойлова (6- 052) көрермендерді ерекше көңіл-күйге бөледі. Н. Чернышеваның (6-047) гитарамен орындауындағы «Есть только миг» әнін көрермендер ерекше ықыласпен қабылдады. Көңілді де, әсерлі сарындағы испан биімен Т. Ермаханбетова, Ж. Тойшыбек, А. Жақсылық, П. Жандарбек (6-036, 6-037) сынды көрікті қыздар концерттің көркін одан әрі қыздыра түсті. А. Абеновтың (6-039) орындауындағы «Love you like a love song» әні сезімге және шабытқа толы болды.
Кешті одан әрмен жалғастырған позитивті интерндер И. Канеев (6-052), М. Доновский (6-047), Н. Алтиев (6-049) және Д. Нехметжанов (6-049) орта ғасырдағы интерн-терапевттердің өмірінен алынған әзіл-сықаққа толы қойылымы арқылы залдағы қалың көрермендерге ерекше сергектілік және қуаныш сыйлады.
Концерт соңында орындаушылар А. Касимова және А. Сарсекеева (6-048) «Зажигаем звезды» әсем әуенімен барлық қатысушыларды сахнаға жинады.
Қойылым алаңын безендірген 6-053, 6-054, 6-045 топтарына шақыру билетін жасаған 6-051 тобына және іс-шараны ұйымдастырған 6-047 тобына жеке алғыс білдірілді.
Көрермендердің іс-шараны жылы қабылдауы – мұның барлығы ерекше әсерге бөлейді және естен кетпес көңіл-күй сыйлайды.
№1 ішкі аурулар кафедрасының
6-036 - топ интерні С.Юнусов,
6-047 - топ интерні А. Шаяхметова