«Жоғары амбициялар университеті» - осылайша «Аккредиттеу және рейтинг тәуелсіз агенттігі» (IAAR) комиссиясының төрағасы «Красноярск мемлекеттік медицина университеті» ФМБ жоғары білім беру мекемесінің жоғары оқу орнынан кейінгі білім беру институтының директоры PhD докторы, доцент Елена Юрьева біздің университетті сипаттады.

Отандық және халықаралық сарапшылар университеттің ұжымдық біртұтастығы, кадрлық саясаттың жоғары деңгейі, цифрландырудағы меншікті әзірлемелердің болуы, денсаулық сақтау саласымен белсенді өзара әрекеттесуі, студенттердің, түлектер мен жұмыс берушілердің университет туралы біркелкі жоғары пікірлері сияқты мықты жақтарын атап өтті.

Қарағанды ​​медицина университетінің институционалдық және мамандандырылған аккредитациясы аясындағы сапар 22-26 сәуір аралығында өтті. Сараптамалық комиссия (IAAR) студенттермен және түлектермен, оқытушы – профессорлық құраммен және жұмыс берушілермен кездесулер өткізді. Симуляциялық және білім беру технологиялары орталығына, университеттік клиникаларға және клиникалық нысандарға, соның ішінде «Облыстық клиникалық ауруханасына», «Қарағанды ​​қаласының №1 көпбейінді ауруханасына»,  «Көпбейінді облыстық балалар ауруханасына», «Қарағанды ​​қаласының балалар ауруханасына» коммуналды мемлекеттік қазыналық кәсіпорындарына, Қазыбек би ауданы бойынша санитарлық-эпидемиологиялық бақылау бөліміне, Қарағанды ​​қаласының №3 емханасына, «Дархан медициналық орталығы» ЖШС, «ДОКА 21» өндірістік дәріханасы мен «Стома на Востоке» ЖШС, «Биосфера» желісінің бөлшек сауда дәріханаларына барды.