Клиникалық хаттама сарапшылармен талқыланды.
23 Сәуір 2020
17
сәуір күні коронавирустық инфекция бойынша ҚР Ұлттық клиникалық хаттамасы талқыланды.Кеңестің модераторы осы құжатты
тікелей әзірлеушілердің бірі болып саналатын профессор Б. Н. Көшерова болды. ҚР ДСМ басшылығы тәжірибелі
қытайлық дәрігерлердің хаттаманы бағалауға қатысуы, олардың сараптамалық
пікірінің одан әрі жұмысын есепке алу үшін маңызды деп санайды. Осыған
байланысты кеңес жұмысына ҚР Денсаулық сақтау вице-министрі Л. М. Ақтаева қосылды.
Оның алтыншы редакциясындағы клиникалық хаттама 2020 жылдың 16 сәуірінде бекітілді, яғни бұл бүгінгі күні ең маңызды ресми құжат болып табылады, оны енгізу бірден республиканың
барлық медициналық ұйымдарында жүзеге асырылуы тиіс.
Модератордың айтуынша, ең алдымен, клиникалық хаттама аурудың клиникалық диагнозын қалай қалыптастыру
керектігін, оны қалай анықтауға болатындығы туралы нақты анықтамалар береді.Бекітілген құжаттың маңызды ерекшелігі
емдеу-диагностикалық үдерістің әрбір тарапының әрекеттерін нақты алгоритмдеу болып табылады.
Б. Н. Көшерова қытайлық әріптестеріне олармен толық танысып, өз
пікірін білдіруге мүмкіндік бере отырып, хаттама ұстанымдарына тоқтады.
Денсаулық сақтау вице-министрі Л. М. Ақтаева қорытынды сөзінде клиникалық
хаттаманы пайдалы талқылағаны үшін шынайы алғысын білдірді. Л. М. Ақтаева COVID-19 науқастарын
респираторлық оңалту туралы талқыланған бүгінгі таңғы семинардың нәтижесі бойынша респираторлық оңалту бағдарламасы
бойынша Қытай мамандарының ұсыныстарын қамтитын осы хаттамаға қосымша әзірлеу туралы
тапсырма берілгендігін атап өтті. Қорытындылай келе, вице-министрдің ұсынысы бойынша, кеңес барысында қарқынды және жемісті қызмет атқарғанәріптестерге алғыс білдірілді.
пікірлер
