Қарағанды ​​өңіріне іс-сапар бағдарламасына сәйкес, 17 сәуірде Қытайдан келген дәрігерлер делегациясы Қарағанды ​​медицина университетінің Молекулалық-генетикалық зертханасында болды. Бұл зертхана Қазақстан Республикасы Денсаулық сақтау министрлігімен құрылды және іргелі мен қолданбалы ғылыми зерттеулер жүргізеді.

Сапар барысында қытайлық әріптестер зертхананың жабдықтарымен және мүмкіндіктерімен танысты. Медицина университетінің проректоры А.А. Тұрмұхамбетова және Ғылыми-зерттеу орталығының директоры Д.Б. Бабенко университеттің негізгі ғылыми жобаларын, зертхана қызметкерлерінің жетістіктері және басылымдарымен таныстырды.

Қонақтар микробқа қарсы тұрақтылықтың молекулярлық-генетикалық эпидемиологиясы, аурулардың генетикалық және ақуыздық белгілерін анықтау, фармакокинетикалық зерттеулер мен терапевтік бақылау мүмкіндіктері туралы зерттеулерге қызығушылық танытты.

Доктор Лу Чен мен әріптестері университеттің ғылыми жетістіктерін жоғары бағалады, зерттеудің жоғары деңгейі мен болашағын атап өтті. Олардың пікірінше, университетте жүргізілетін зерттеулер ғылым үшін маңызды, сондықтан оны кеңейту және жан-жақты жүргізу қажет.

Зертхананың бірегей инфрақұрылымын және процестердің автоматтандырылғанын, қызметкерлердің тәжірибесін ескере отырып, әріптестер зертхананы COVID-19 зерттеулерінде пайдалану керек деп санайды. Доктор Лу Ченнің пікірінше, перспективті бағыттар - короновирус штамдарын теру, инфекция механизмдерін түсіну және ауырлық дәрежесін анықтау үшін аурудың иммуномаркерлерін зерттеу болып табылады. Ол университеттің зертханасының әлеуетін пайдалану COVID-19 табиғатын, иммундық реакцияның түрлерін және SARS-Cov-2 вирусының мінез-құлқын болжаудың маңызды перспективаларын ашатынын атап өтті.

Қытайлық әріптестер университеттің және оның ерекше зертханасының дамуына сәттілік тіледі.