АҚШ профессоры халықаралық бағдарламаға қатысуға үміткерлерді дайындауда
2019 жылдың 22-29 қараша аралығында Қарағанды медицина
университетінің қоғамдық денсаулық, биомедицина және фармация мектебінде
Fulbright Specialist бағдарламасы аясында Орталық Мичиган университетінің (АҚШ)
қауымдастырылған профессоры Nailya DeLellis жұмыс жүргізді.
Фулбрайт бағдарламасы бойынша гранттар ашық конкурс негізінде беріледі. Бұл ең лайықты үміткерлерді адал іріктеуге және осы бағдарламаның мақсатына қол жеткізуге, атап айтқанда, қабылдаушы ғана емес, сонымен қатар туған елінің қоғамдастықтары үшін үлес қосу арқылы өзара түсіністік пен өзара тиімділікке қол жеткізуге ықпал етеді.
"Қоғамдық денсаулық сақтау" мамандығы бойынша Мичиган университетінің оқу бағдарламаларын талдау тәжірибесі, осы мамандық бойынша білім беру бағдарламаларын аккредиттеуге қойылатын талаптар сияқты тақырыптар бойынша Nailya DeLellis Қоғамдық денсаулық, биомедицина және фармация мектебінің студенттері мен оқытушыларына дәрістер оқыды.
Сондай-ақ, зерттеу мектебінің докторантурасының білім алушылары үшін дәрістер оқылды, нақты айтқанда, американдық университеттерде докторлық жұмыстардың қалай құрылатыны, диссертациялардың қандай нұсқалары бар екені туралы айтылды. Дәріскер ағылшын тілінде ақпарат іздеу және статистикалық талдау жинау, таңдалған ғылыми тақырыптар мен Зерттеу дизайны және басқа да көптеген мәселелер бойынша ұсыныстар берді.