Дайындық тәжірибесімен алмасты
24
қыркүйекте Қарағанды медицина университетінде «Резидентурада практикалық-бағытталған дайындық"
халықаралық қатысумен «дөңгелек
үстел» өтті.
Оған университеттің проректорлары, профессорлық-оқытушылық құрамы, Вильнюс университетінен келген қонақтар - Екатерина Борткевич және профессор Юоазас Райстянскис қатысты.
ҚМУ клиникалық жұмыс жөніндегі проректоры Бақыт Нұрғалиқызы Көшерова ЖОО резидентурасында оқудың қалай ұйымдастырылғанын егжей-тегжейлі баяндап берді.
Провост (бірінші проректор) Вайва Хендриксон «Литвадағы резидентурада дайындық тәжірибесі» тақырыбында баяндама жасады. Вильнюсте резиденттер арасында дерматология, эндокринология, гастроэнтереология, пластика, радиология, оториноларингология, кардиология бойынша бағдарламалар танымал. Денсаулық сақтау министрлігі тиісті бағдарламаларға қатысуға жіберілуі тиіс дәрігерлердің санын анықтайды. Іріктеу мемлекеттің қажеттілігін ескере отырып жүргізіледі және қорытындылар білім, ғылым және спорт министрлігінің қарауына шығарылады. Орындар саны Ғылым және зерттеулер туралы заңның ережелеріне сәйкес жоспарланады.
«Дөңгелек үстел» жұмысы барысында Қарағанды медицина университетінің резидентурасының барлық мамандықтарының білім беру бағдарламаларының жетекшілері белсенді қатысты. Қатысушылар клиникалық тәлімгерлердің қызметін, профессорлық-оқытушылық құрамының жүктемесін, қорытынды бақылау нысандарын және білім алушыларды бағалау әдістерін егжей-тегжейлі талқылады.