2019 жылы 20 қыркүйекте Қазақстанның медицина ғылымы мен денсаулық сақтаудың көрнекті ұйымдастырушысы, ҰОС қатысушысы, ҚР ҰҒА академигі және Қарағанды өңірінің тумасы Бахия Атчабарович Атчабаровтың туғанына 100 жыл толуына арналған "PhD Scientific Day" жас ғалымдардың ғылыми-практикалық конференциясы өтті.

Конференцияда академик Атчабаровтың әріптестері - Ибраев Серік Айтмақұлы, Аблаев Жангетхан Аблайұлы, Тобаяков Бахытжан Ошақбайұлы, Қалишев Марат Гузаирұлы, оқушылары, балалары мен немерелері сөз сөйледі.

Конференция бағдарламасында "Инновациялық және дербестендірілген медицина (хирургия, акушерлік және гинекология, онкология және т. б.)", "Клиникалық медицина: теориядан практикаға (терапия және т. б.)", "Қоғамдық денсаулық сақтаудағы ғылым", "Заманауи фармацевтикалық технология: өзекті зерттеулер және жаңа тәсілдер" секцияларында докторанттардың баяндамалары тыңдалды.

Б. А. Атчабаров түсті металдар, фосфор және фосфорлы минералды тыңайтқыштар өндірісіндегі, мұнай өндіру кезіндегі кәсіптік патологияны, сондай-ақ ауыл шаруашылығындағы еңбек гигиенасын зерттеуге үлкен үлес қосты.

Біздің отандасымыз Атчабаров Бахия Атчабарович, шын мәнінде энциклопедиялық білім мен қызығушылықтың адамы, әрдайым терең және перспективада мәселелерді қарайтын тамаша ғалым еліміздің медицина ғылымының көптеген салаларын дамытуға негіз қалап, ішінара іске асырылған көптеген идеяларды айтты.