Кездесу орны – «WELCOME» орталығы
3 қыркүйекте Қарағанды медицина университетінде «WELCOME» сервис – бағдарланған орталығының салтанатты түрде ашылуы өтті. Салтанатты рәсім университет басшылығының, мектеп декандарының, оқытушылар мен студенттердің қатысуымен өтті.
Эразмус+ жобасы аясында университеттің академиялық және әлеуметтік – мәдени ортасына шетелдік білім алушылар мен оқытушыларды біріктіру мақсатында құрылған орталық ЖОО халықаралық ынтымақтастық бөлімінде студенттер қатарынан еріктілердің қатысуымен табысты жұмыс істейді.
Орталықты аша отырып, Басқарма Төрағасы – Университет ректоры Досмағамбетова Раушан Сұлтанқызы ЖОО жаһандануды дамытуда елеулі табыстарға тоқталып, осы стратегиялық бағыттағы жаңа жетістіктерге үміт білдірді.
«WELCOME» орталығында оқыту және жұмыс жасау, сондай – ақ шетел қонақтарының бос уақытын ұйымдастыру және кеңестік қолдау, кездесулер мен семинарлар, мәдени іс – шаралар өткізу үшін барлық жағдайлар жасалған.
