Серіктестіктің алдағы жоспарын анықтадық
С.Д.Асфендияров
атындағы Ұлттық медициналық университетіндегі №1 балалар аурулары кафедрасында
ЖОО мұғалімдерінің академиялық алмасу бағдарламасы бойынша педагогикалық
жемісті жұмыс жүргізілді.
Бағдарламада «Педиатрия» мамандығы бойынша 7 курс студенттеріне арналған проблемалық дәрістер оқылды, «Ауру баланы жүргізу», «0-5 жас аралығындағы балалардағы төтенше жағдайларды сұрыптау» тақырыбында оқу семинарлары өткізілді. Сонымен қатар, «Жалпы медицина» мамандығының 4 курс студенттеріне «Балалар аурулары» пәні бойынша тақырыптық жоспарға сәйкес сабақтар жүргізілді. ДДҰ, БАИЖ (ИВБДВ) бағдарламаларына сүйене отырып 0-5 жасқа дейінгі балалардағы қауіп белгілерін білуіне назар аударылды.
Оқу үрдісін жүргізу барысында инновациялық оқыту технологияларын қолдануымен тәжірибелік жаттығулар мен студенттердің білімін және дағдыларын бағалаудың заманауи әдістері көрсетілді.
«ҰМУ» №1 балалар аурулары кафедрасы мен ҚМУ №2 балалар аурулары кафедрасы арасындағы алдағы уақытта бірге жұмыс атқарулары жоспарланды.
ҚМУ №2 балалар аурулары кафедрасының меңгерушісі м.ғ.д., профессор Тукбекова Бибигуль Толеубаевна, кафедра ассистенті Серикова Гульмира Бергентаевна.