СТОМАТОЛОГИЯ—БҰЛ ӨНЕР
Қарағанды медицина университетінің мейіргерлік білім беру мектебінде «Ортопедиялық стоматология» мамандығының 2-001КСО 2 курс білім алушылары және топ жетекшісі Оразова Бакыт Оразовнаның басшылығымен ұйымдастырылған «Стоматология – бұл өнер, ал оған берілген адамдар, сиқыршылар іспеттес» тақырыбында іс-шара өткізілді. Шараның негізгі мақсаты – өз денсаулығына деген құндылық қарым-қатынасы және салауатты өмір салтын насихаттау.
Аталған шарада стоматология туралы түсінік беріліп, аудиторияға түрлі блиц-сұрақтар, викторина, жұмбақтар қойылып, өлеңдер оқылды. Конкурстар жүргізіліп жеңімпаздарға сыйлықтар берілді. Мейіргерлік білім беру мектебінің жас тіс техниктері стоматология кабинетіндегі науқас пен тіс дәрігері арасындағы қызықты қойылымды ұсынды.
