Оңтүстік Кореяда резиденттердің оқуы
Біз, «Офтальмология, оның ішінде балалар» мамандығы бойынша резиденттер академиялық ұтқырлық бағдарламасы аясында Оңтүстік Корея, Коян қаласы, Илсан ауруханасында оқуда болдық.
Офтальмологиялық бөлімше меңгерушісі Ким Хеон бізге дайындаған бағдарламасына сәйкес оқуда болдық. Күнде жергілікті аурухана дәрігерлерімен амбулаторлы науқастар қабылдауында болып, толық тексеріп қарауды жүргіздік, ем тағайындауына қатыстық. Сонымен қатар катаракта, окулопластика, витреотиналды хирургия бойынша операцияларға қатысып үлкен дағдыларды меңгердік. Бұл біз үшін үлкен клиникалық тәжірибе болды. Осындай мүмкіндік берген ҚММУ ректоры, профессор Р.С. Досмағамбетова және халықаралық ынтымақтастық бөлімшесі, оның ішінде Сапарова Мөлдірге алғысымыз шексіз.
Исатаева Айгерим
Тәбріз Құралай
