Диабеттің алдын алу және оның диагностикасы.
Қарашаның 14-күні Қазақстандық Медицина Жастары ұйымының белсенділері - KazMSA, комитетінің қатысушылары SCOPH(xалықтың
денсаулығын сақтау комитеті) Қарағанды қаласының сауда орталықтарының бірінде
көлемді іс-шара өткізген болатын. Бұл іс-шара аясында қала тұрғындары профилактикалық тексеруден тегін өтуге және диабет туралы
ҚММУ студенттерінен кеңес алу мүмкіндігіне ие болды.
Қазіргі таңда қазақстандықтар үшін қант диабеті - өте өзекті мәселе. 2017 жылы көрсеткіш бойынша елімізде 309 мың адам диабетпен тіркелген. Сонымен қатар, бұл статистика әрбір үшінші адамның қант диабетімен ауыру мүмкіндігі бар екендігін дәлелдейді.
Халыққа ақпарат беру мақсатында жүргізілген бұл шара өз еркімен қалаушыларға қандағы қант мөлшерін тексертуге, қан қысымын өлшетуге, сондай-ақ, пайдалы кеңестер алуға үлкен мүмкіндік берді. Шара аясында ұйымдастырушылар барлық қала тұрғындарын бұл мүмкіндікті жіберіп алмауға және де өз денсаулығына қарауға шақырды.