Алдын-алу шаралар тренингі
Жастармен жұмыс
жасау бөлімі «VolteKSMU» еріктілер ұйымының қатысушылармен бірге Н.Нұрмақов
атындағы облыстық мамандандырылған дарынды балаларға арналған
мектеп-интернатында «Ескерту. Қорғау. Егу!» алдын-алу шаралар тренингін
өткізуді ұйымдастырды.
«Ескерту. Қорғау. Егу!» - бұл Қазақстан Республикасы Денсаулық сақтау министрлігінің Ұлттық денсаулық сақтау орталығы әзірлеген және ЖРВИ, тұмау және пневмококк инфекциясының алдын-алуға бағытталған ұлттық бағдарлама.
«VolteKSMU» құрамының жаңа еріктілері: Мукашева Нұрай, Жұмағалиева Уазифа, Есенгалиева Мадина, Досмағанбетова Динара, Амангалиева Гүлжанат, Тоқашбаева Диана мектеп-интернаттың оқушыларына ЖРВИ ауруы мен жұқпалы аурулардың қаупі туралы айтып берді, вирустардың таралуы туралы түсіндірді, сондай-ақ осы аурулардың алдын алу бойынша тәжірибелік сабақтар өткізді.
Өз кезегінде, алдын-алу шаралары мақсатында, әсіресе эпидемиологиялық кезеңдерде адамдардың үлкен шоғырлану орындарында болуды шектеуді, арнайы қорғаныс маскаларын қолдануды және аурулардың алғашқы белгілері байқалғанда дәрігерге қаралуды ұсынамыз.
Жастармен жұмыс жасау бөлімі
