«Жалпы медицина» мамандығы бойынша бакалавриат түлектеріне дипломдарды табыстау
Салтанатты ашылу рәсімін дәстүр бойынша оқу-әдістемелік жұмыстар жөніндегі проректор В.П. Риклефс ашты, сонымен қатар, халықаралық медицина факультетінің деканы К.К.Толеубеков, халықаралық медицина факультетінің декан орынбасарлары М.Т.Культенова, Ж.М.Койшибаев, профессорлық-оқытушылар құрамы және «салтанат иесі» болып табылатын «Жалпы медицина» мамандығының түлектері қатысты.
Бакалавриатты бітіру туралы дипломды барлығы 197 түлек алды.
Бес жыл бойы жақсы және тамаша білімдерімен, сондай-ақ, ғылыми-зерттеу жұмыстарында, шығармашылық, спорттық немесе жоғарғы оқу орнының және факультеттің қоғамдық өмірінде белсене ат салысып, жоғарғы жетістіктерге ие болған студенттер жеке марапатталды. Олар дипломмен бірге факультет деканының алғыс хаттарын алды.
Салтанатты рәсім соңында түлектер ҚММУ әнұранын орындап және салтанатты түрде «Гиппократ» антын қабылдады.
Сәттілік, «Жалпы медицина» мамандығының бакалавриат түлектері!
Халықаралық медицина факультетінің деканаты