Қазақстан Республикасы кардиологтар Ассоциациясының X Конгрессі, Қазақстан республикасы терапевттерінің V Съезді, Түркі елдері кардиологтар ассоциациясының IX Конгрессі  2018 жылдың 5 маусымы мен 8 маусымы аралығында Алматы қаласында, RIXOS Almaty қонақ үйінде өткізілді. Конгресс жұмысына Еуропа кардиологтарының ассоциациясының ғалымдары, алыс және жақын шет мемлекеттердің ғалымдары қатысты. Конгресс бағдарламасы 09.00-ден 18.00 уақыты аралығындағы кесте бойынша қызықты және әртүрлі бағытта (спикерлер дәрістері, ланч симпозиумдер, ауызша баяндамалар, дискуссиялар және талқылаулар) мен созылмалы жүрек жеткіліксіздігі, тромбоздардың емі және диагностикасына бағытталған сұрақтар, жүрек-қантамыр ауруларының алдын-алудың жаңа тұжырымдамалары: инновациялық полипилл, ревматологиядағы аутоиммунды аурулар бойынша мастер-кластар жүргізілді.  Конгресс аясында 16 баяндамамен жас ғалымдар арасындағы конкурс жүргізілді. Қарағанды мемлекеттік медицина университетінен №1 Ішкі аурулар кафедрасының ассистент-тағылымгері Бодаубай Роза, ғылыми жетекшісі м.ғ.д., профессор Д.Ж. Тайжанова ауызша баяндамамен қатысып, 2-ші жүлделі орынға ие болды. Сондай-ақ, №1 Ішкі аурулар кафедрасының магистранты А.Б.Калимбетова постерлік баяндамамен қатысып, жақсы пікірлер қалыптастырды.

№1 Ішкі аурулар кафедрасы