Дәрісте сараптама білімін қолдану
Аталмыш дәріс ҚММУ кәсіпкерлік білімдегі жобаларды жүзеге асыру бағытында орындалды. Осыған байланысты бұл іс-шараға Қарағанды қаласы Кәсіпкерлер Палатасының маманы Ержан Галымбекович Жакупов шақырылды. Сонымен қатар ҚММУ-нің кәсіпкерлік білім беру жобалық тобының мүшелері: С.Р.Жакенова, Ш.Д.Джакетаева, Г.В.Каршалова, А.Б. Долгополов қатысты. Дәріскер медик-студенттерге кәсіпкерліктегі салық салымының негізгі аспектілері туралы қызықты ақпараттарды ұсынды.
Студенттер үшін кәсіпкерлік қызметтегі салықты есептеу әдістері, жеңілдетілген және патент негізінде төлейтін салық салымы жүйесіндегі айырмашылықтарды, кәсіпкерлікті енді бастаған тұлғалар үшін салық салымын төлеу жолдары туралы көптеген қызықты ақпараттар берілді.
Дәріс соңында студенттер кері байланыс сауалнамасында дәріскер берген ақпараттарды тәжірибелік тұрғыда қолдану маңыздылығын, оларды жүзеге асыруда шынайы өмірде қажет екендігін және келтірілген мәліметтер өте қызықты болғандығын жеткізді.
Кафедра аға оқытушысы:
Б.Б.Рысбекова
