Мәскеу қаласындағы кардиологтар және терапевтердің халықаралық форумы.
2018 жылдың
21-23 наурызы аралығында Мәскеу қаласында жыл сайынғы кардиологтар және
терапевтердің VII халықаралық форумы өтті. Бұл форумға біздің университеттің
қызметкерлері №1 Ішкі аурулар кафедрасының меңгерушісі м.ғ.д. профессор Д.Ж.Тайжанова
және «Медицина» мамандығының PhD докторанты О.А. Вистерничан қатысты.
Форумның бірінші күнінде шет мемлекеттерден және ТМД елдерінен, Ресейдің әр аймақтарынан келген 600 астам делегаттар тіркелді. Бұл форумда алғаш рет Туркиядан (100 делегат) және Молдова мемлекетінен (30 делегат) көп делегаттар қатысты.
Форумның ғылыми бағдарламасы кардиология, гастроэнтерология, эндокринология, пульмонология және қазіргі медицина ғылымының өзекті мәселелері талқыланды. Миокард ауруларының коморбиндті патологияларына, генетикалық аспектілеріне ерекше назар аударылды. Докторант О.А. Вистерничан «Тәж артерияларының рестонозы дамуында пуриндердің болжамдық ролі» тақырыбымен ауызша баяндама жасады және жас ғалымдар симпозиумында 1-ші орын иеленді.