Дүниежүзілік салауатты тамақтану күні
ҚММУ спорт клубы 14 қазан күні «Тамақтану гигиенасы, жалпы гигиена және экология» кафедрасымен, сонымен қоса «Самұрық» студенттік республикасымен бірге ЖОО «Дүниежүзілік салауатты тамақтану» күніне арналған бірқатар іс-шараларын өткізді.
Мерекенің ашылуы ҚММУ бас ғимаратының алдында болып өтті. Шамамен үш жүз студент «ҚММУ студенттері салауатты тамақтануды таңдайды!» атты мерекелік флешмоб дайындап өткізді. Кездесу алдында «Тамақтану гигиенасы, жалпы гигиена және экология» кафедрасының меңгерушісі С.Терехин сөз сөйледі.
Флэшмобпен қатар №2 спорт залында (Ерубаева 32) мини-футболдан турнир өткізілді, ал Медициналық колледждің ашық спорт алаңында студенттер үшін жарыстың бас төрешісі Ф. Батиров басшылығымен «Көңілді старттар» эстафетасы өткізілді.