Магистратура түлектеріне салтанатты түрде диплом тапсырылды
2017 жылдың 21 шілдесінде ҚММУ Акт залында ғылыми, педагогикалық және бейінді бағыттардың "Медицина", "Мейірбикелік ісі", "Қоғамдық денсаулық сақтау", "Фармация", "Фармацевтикалық өндіріс технологиясы", "Медициналық-профилактикалық іс" және "Биология" мамандықтары бойынша магистратура түлектеріне салтанатты түрде диплом табысталды.
Қарағанды мемлекеттік медицина университетінің клиникалық жұмыс және үздіксіз кәсіби даму жөніндегі проректоры Б.Н. Көшерова құттықтау сөзін сөйледі. Сөз соңында Бақыт Нұғалиқызы түлектерге дипломдарды тапсырды.
Марапаттау рәсімі түлектердің орындауындағы шығармашылық нөмірлермен сүйемелденді, ғылыми жетекшілер және түлектер атынан алғыс сөздері айтылды. Салтанатты шараның соңында түлектер «Gaudeamus» әнұранын орындады.