Балаларды қуантудың ең тиімді тәсілі – оларды бақытты ету.
07 Маусым 2017
Балаларды қуантудың ең тиімді тәсілі – оларды бақытты ету.
О.Уайльд
Қарағанды мемлекеттік медицина университетінің «Конферансье» үйірмесінің студенттері Скендирова Азиманың басшылығымен 2017 жылдың 2 маусым күні «Таңшолпан» балалар үйінде болды. Кездесудің мақсаты – бүлдіршіндерді Балалар күнімен құттықтап, оларға көңіл бөліп, қуанту.
Мерекелік іс-шараны ұйымдастыруға балалар ойын-сауық студиясы, балалар үйінің әрбір тәрбиеленушілеріне балмұздақ сыйлаған сауда компаниясына, ҚММУ студенттері мен офтальмология, оториноларингология мен реаниматология кафедралары тарапынан жиналған қаржылай көмек пен көрсетілген қолдау балалардың үлкен ризашылығына иеленді. Іс-шара барысында балалар ойнап-күліп, кереметтей қуана белсенділік танытты.Әсіресе, «Қаракөз» халық ансамблінің солисті Гани Еркебұланның орындауындағы ерекше би кішкентай көрермендердің көңілдерінен шыға білді. Концерттік бағдарламаның аяқталуымен студенттерге балалар үйінде шағын экскурсия жүргізілді. Балалардың жеке-дара және шығармашылық дамуына барлық жағдайлар жасалған. Бірігіп, бірге күш салысып, балдырғандарға сыйлық, тәтті мен қуанышқа толы үлкен мереке сыйладық!Скендирова Азима, 5-098 ОМ «Конферансье» үйірмесінің жетекшісі.
Жолдабаева Аида, 3-010 Стом
Абдрахманова Адема, 1-026 ОМ
0
5753
пікірлер
пікір қалдыру үшін.