Оңтүстік Қазақстан мемлекеттік фармацевтика академиясындағы академиялық ұтқырлық
13. 04. 2017 ж. – 26. 04.2017 ж. аралығында академиялық ұтқырлық аясында тамақтану
гигиенасы, жалпы гигиена және экология кафедрасының доценті Кымбат Ералиевна Амреева
Оңтүстік Қазақстан мемлекеттік фармацевтика академиясына барып қайтты.
Академияда ол «Тағам гигиенасы» пәнінен 4-курс МПІ студенттеріне күнтізбелік –тақырыптық жоспарға сай (90 сағат) сабақтар өткізді.
Сонымен қатар, кафедраның профессорлық-оқытушылық құрамына «Тағамдық азық-түліктердегі ксенобиотиктер» тақырыбында семинар сабағын және студенттердің ғылыми ақпаратты өз беттерінше іздену мен ойлау дағдыларын қалыптастырып жаңа әдістердің бірі RBL (Research Based Learning) ғылыми – бағдарлы оқыту әдісіне семинар өткізді.
Академиялық ұтқырлық шеңберінде ПОҚ-мен көптеген тәжірибелермен алмасып, белсенді оқыту әдістемелерін қолдану өте тиімді екендігіне көз жеткізе білді. Медициналық жоғары оқу орындарында осындай академиялық ұтқырлық шеңберінде оқытушылардың тәжірибелерімен алмасуы оң нәтиже береді.
