Көктем мерекесі – Наурыз
2017 жылдың 16 наурызы күні Анатомия кафердрасында Наурыз
мейрамына арналған салтанатты шара өткізілді.
Кафедра ұжымының өзара ынтымақтастығы мен бірлігінің нәтижесінде іс-шара өте жоғары деңгейде өтті.
Кездесу тақырыбына сай залды безендірген студенттердің арқасында залдағы атмосфера мерекелік, көңілді болды. Кафедра ұжымы іс-шараны ұйымдастыруға үлкен қолдау мен көмек көрсетті.
Іс-шараға белсенді түрде қатысып,өз өнерлерімен бөліскен ЖМ және стоматология факультетінің 1, 2, 3 курс студенттерін ерекше атап өту қажет.
Анатомия кафедрасы «Абай ауылын» таныстырып, қазақтың ұлттық дәстүрі «Тұсау кесерді» көрсетті.
Кафедра меңгерушісі Н.Н.Наурызов барлық залдағы қонақтарды «Наурыз» мерекесімен құттықтап, іс-шара ұйымдастырушылары мен қатысушыларына алғысын білдірді. Іс-шараның қорытындысы ретінде шақырылған «Наурыз» әнінде оқытушылар мен студенттер арасындағы ұрпақтар сабақтастығы мен ынтымақ анық байқалды.