Қарағанды мемлекеттік медицина университетінің интернатура факультеті универитеттің спорт клубына студент-интерндер үшін спорттық жарыс ұйымдастыруды ұсынды. Ұсыныс қолдау тапты және 25 қарашада ҚММУ Спорт клубы «Интерн - 2016» I спартакиадасын бастап кетті.

  Спартакиада Қазақстан Республикасының әнұранымен және тудың көтерілуімен салтанатты түрде ашылды. Жарысқа қатысушыларды «Yes-team» заманауи би тобы шығармашылық нөмірі арқылы құттықтады.

  Үш күн бойы «Терапия», «Хирургия», «Акушерлік және гинекология + Стоматология», «Педиатрия» және «Жалпы дәрігерлік тәжірибе» бағыттары бойынша факультеттің үздік спортшыларынан жиналған студенттік командалар үстел теннисі, шахмат, дойбы, тоғызқұмалақ, баскетбол, волейбол және армрестлинг бойынша турнирде өздерінің шеберліктерін көрсетті. Спартакиадаға  «Интернатура» факультетінен 300 астам студент қатысты.

    Жарыстың жалпы командалық қорытындысы бойынша біріккен «Акушерлік және Гинекология + Стоматология» спортшылары III орынға ие болды. II орынға «Терапия» бағытындағы спортшылар ие болды. «Жалпы дәрігерлік тәжірибе» командасының спортшылары «Интерн - 2016» I Спартакиадасының жеңімпазы болып  танылды.

  Жарыстың барлық жеңімпаздары құрмет грамоталарымен марапатталды.

  «Интерн - 2016» спартакиадасының қорытынды кестесі

Интернатура факультетінің СӨӨБК.