Дүниежүзілік туберкулезбен күрес күніне орай жастар жұмыс бөлімі айлық іс-шаралар жоспарлады.

Өткен сенбіде "Самұрық" СР спорт министрлігінің ұжымы Н.С.Ұзақбаевтың жетекшілігімен "Мен салауатты өмір салтын қолдаймын!" атты спартакиаданы № 2, 3, 4, 6, 7 жатақхана студенттері арасында ұйымдастырды. Әр топ құрамында 5 ұл бала және 5 қыз бала болды.

Қатысушылар өздерін барлық спорт түрлерінде көрсете білді: қол күрестіру, доппен эстафета, арқан тарту, қапта секіру, гир көтеру(10 кг), кермеге тартылу, серпіліс жасау, секіргішпен секіру.  Қатысушыларға төрешілік еткендер: Тәуекел Сағалов (2-015 ЖМ), Алдияр Тойбеков (2-042 ЖМ), Ермұрат Зекен (2-003 Стом), Нұржан Ұзақбаев (3-001 МПІ).

Әділқазылар құрамында: Л.В.Коваленко - салауатты өмір салтының дағдыларын  қалыптастыру комиссиясының төрағасы, А.А.Мамбетова - жастармен жұмыс бөлімінің маманы, А.А.Джетибаева - "Самұрық" СР депутаты.

Сайыс аяқталған соң әділқазылар жиған ұпай санына байланысты жеңімпаздарды анықтады: І орын - №7 жатақхананың командасы; ІІ орын  -  №4 жатақхананың командасы; ІІІ орын - №3 жатақхананың командасы.

Арнайы номинациялармен марапатталғандар: " Ең белсенді спортшы" - Мурат Нұржанов (301 ЗТ), "Турнирдің жаңалығы" - Диана Искакова (1-001 МПІ).

Осы тәріздес спорттық іс-шаралар жастарға танысуға, пікір алмасуға мүмкіндік береді. Болашақта мұндай іс-шаралар дәстүрге айналуы керек.

Роза Даденова (3-007 ЖМ)

"Самұрық" СР студенттік спорт

 министрлігінің хатшысы