Президент күні мерекесі
ҚММУ ЖКМК кафедрасының ұжымы сабақ өтіп жүрген «Жалпы медицина» 5 курс студенттерімен «1 желтоқсан – ҚР тұңғыш президенті күні» деп арнайы заңмен бекітілген мереке күнін атап өттік. Бұл күннің мереке болып тарихта белгіленуі әркімді ойландырмай қоймайтыны анық. Шын мәнінде, Елбасы Н.Назарбаевтың салиқалы саясатының арқасында тәуелсіз Қазақстан қалыптасып, тарихымыз түгенделіп, тіліміз, дініміз және діліміз қайта оралып, мемлекетіміздің ұлттық рәміздері қабылданды. Мұндай мемлекеттік мерекенің болғанына Қазақстан жұртшылығы, оның ішінде біз де риза бола отырып, кафедра мен студенттердің ұйымдастыруымен мерекеге арналған іс-шараны жоспарлы түрде, уақытында өткіздік.
Іс – шараның мақсаты – студенттерге Президенттің елі үшін жасаған игі істерін үлгі-өнеге ету, өз Отанын, халқын сүйетін азамат болып өсуге, елжандылыққа, отансүйгіштікке тәрбиелеу. Перзидентіміздің балалық шағы, отбасы, қызмет жолы, лауазымдары мен мансаптары, жазған еңбектері, дәйек сөздері, Н.Ә.Назарбаев атына ашылған оқу орындары жөнінде мәліметтер айтылып, студенттер Елбасымыз туралы білімдерін кеңейтті. Президентіміздің сөйлеген сөзінен үзінділер тыңдалып, түрлі слайдтар көрсетілді. Жаңа педагогикалық технологияның әдіс-тәсілдері қолданылды.
Осы шара негізінде, яғниТұңғыш Президент Күніне орай «Жалпы медицина» мамандығының 5 курс студенттері, Теміртау қаласына тұңғыш Президент мұражайына барып қайтты. Студенттер мұражайдың «Тәуелсіз Қазақстан», «Замана перзенті», «Тұлғаның ерен қабілеті», «Уақыт ағымында», «Қазақстан жолы» залдарына саяхат жасап Елбасының жеке өмірінің тарихымен және жеткен жетістіктерімен өз көздерімен көріп зор әсер алып қайтты.
ҚММУ ЖКМК №2 кафедрасы ұжымы