Астана қаласында 6-7 қараша күндері«Респираторлық медицинадағыинновациялық технологиялар» тақырыбына Еуро-Азиялық респираторлық қоғам, «Ұлттық ғылыми медициналық орталық» АҚ, Респираторлық медицина саласындағы мамандар қауымдастығы, Қазақстандық респираторлық қоғам, «Астана медицина университеті» АҚ мүшелерінің ұйымдастыруымен Халықаралық ғылыми-практикалық конференция өтті. Конференцияның ашылуында ұйымдастыру комитетінің төрағасы, ҚРҚ Президенті, ЕАРҚ атқарушы директоры, Ұлттық Ғылыми Медициналық орталықтың басқарма төрағасы А.К. Байгенжин құттықтау сөзбен ашты.

Конференцияның ғылыми бағдарламасы симпозиумдардан, семинарлардан, дөңгелек үстел, «Өкпенің интерстициалды ауруларының диагностикасы және емі», «ӨСОА: негізгі терапияның жаңа мүмкіншіліктері», «Бронх-өкпе патологиясы: терапияның болашақ бағыттары», «Бронх-өкпе ауруларын емдеудің және диагностикалаудың инновациялары», «Тромбоэмболия және өкпе гипертензиясы. Өкпені трансплантациялау», «Балалар практикасындағы тиімді бактерияға қарсы терапия» тақырыптары бойынша клиникалық талқылаулардан тұрады. Осындай конференцияларды жүргізу тыныс алу мүшелері ауруларының диагностикасын және емдеу деңгейін жақсарту мақсатында респираторлық медицина саласында медициналық технологиялармен отандық және шет ел мамандары арасында үздіксіз тәжірибе алмасуға мүмкіндік береді.

М.ғ.д., профессор

М.М. Түсіпбекова