Қоғамдық маңыздылығы бар орындардың (саябақтар, алаңдар, гүлзарлар)  экологиялық және санитарлық жағдайын жақсарту және жастар арасында экологиялық мәдениетті қалыптастыру мақсатында 2015 жылдың қыркүйек айының 19 жұлдызында Орталық саябақ аумағында қаланың жоғарғы оқу орындары мен колледж студенттеінің қатысуымен «Тазалық кубогы: студенттік лига» атты жастар арсындағы қалалық турнир өткізді. Біздің университет те қалыс қалмай, осы конкурсқа қатысты.

- «Эко- карта», команда капитаны басшылығымен жүзеге асырылатын - «Таныстырылым». Біздің команда «Отан Ана» деген атаумен, "Отан ана, Отан ана деп өсірді ел арысың, ал арысың қорғайды ел намысын, тер төгеміз, тер төгеміз табиғаттың жаны үшін!" ұранын шырқады.

- «Экологиялық викторина» кезеңінде студенттерге сұрақтар қойылды. Біздің студенттер 10 сұрақтың 5-еуіне жауап беріп, өздерін жақсы қырынан танытты. Сұрақтар негізінен «Қазақстан Республикасының Экологиялық кодексіне», сонымен қатар «ЭКСПО-2017 - Болашақ энергиясы» халықаралық көрмесі тақырыбына арналды. Жауаптар арнайы карточка арқылы жазбаша берілді.

"Самұрық" Студенттік республикасының атынан лайықты өнер көрсеткендері үшін келесі студенттерге алғыс білдіреміз: Асыл Сұлтанбекова, Гүлназ Аяғанова, Оңгарсын Сияр, Руслан Майлыбаев, Мұрат Кабаков, Нармұрад Ганиев, Айгүл Джетибаева, Ағила Фазыл, Мөлдір Сәрсенбек.

Ерболат Асқаров

«Самұрық» Студенттік Республикасының

ақпарат және байланыс министрлігі