Салтыңды білгенің – халқыңды білгенің
12.03.2015
жылы Қарағанды мемлекеттік медицина университетінің акт залында қазақ тілі
кафедрасының ұйымдастыруымен Қазақстан халқы Ассамблеясының 20 жылдығына және
Наурыз мейрамына арнап қаламыздағы жоғары оқу орындарында оқитын өзге ұлт
өкілдері студентттерінің арасында «Салт-дәстүр – асыл қазына» атты сайыс
өткізілді.
Сайыста ҚММУ-дың «Жедел жәрдем», ҚарМУ-дың «Достық», Орталық Қазақстан Академиясы «Лингва» аударма факультетінің «Достық», ҚММУ Медицина колледжінің «Бірлік» топтары білім жағынан күш сынасты.
4 турдан құралған сайыста әрбір топ өздерін таныстырып, қазақ халқының салт-дәстүрлерін көрсетті. Әр топтың капитандары берілген тапсырмаларға жауап берді.
Әділ қазылар алқасы сайыста өнер көрсеткен топтардың жалпы ұпай санын есептей келе, бірінші орынды ҚММУ-дың «Жедел жәрдем», екінші орынды ҚарМУ-дың «Достық», үшінші орынды ҚММУ Медицина колледжінің «Бірлік» топтарына берді. Сайысқа қатысқан барлық топ мүшелеріне Алғыс хат табыс етілді.