Халықаралық ынтымақтастық бөлімі Ататүрік Университетінде (Түркия) «Мевлана» халықаралық ұтқырлық бағдарламасы аясында ұтқырлықтан өтуге өтініштер қабылдау басталғанын хабарлайды!

Өтініштерді қабылдаудың соңғы күні: 2018 жылдың 26 ақпаны.

Байқаудың нәтижелері 2018 жылдың мамыр айында белгілі болады.

Талаптары:

- Оқытушылардың ұтқырлық мерзімі екі аптадан 3 айға дейінгі уақытты қамтиды;

- Оқытушылар аталған бағдарламаға қатысу үшін:

-  Көрсетілген сілтеме бойынша онлайн өтінішті толтыруoia.atauni.edu.tr/application/staff;

-  Түйіндемесін (сонымен қатар басылымдарын, презентацияларын, жобаларын) тіркеуі қажет.

Шарттары:

- Оқытушылар үшін “Мевлана” бағдарламасы түрік тарапынан төленетін аптасына 6 сағаттан кем емес лекцияларды оқуды қарастырады. Егер оқытушы талап етілген сағаттарды жинай алмаса, онда олардың өткізген семинарлары, топтағы жұмыстары, сонымен қатар олардың конференцияларда қатысқандығы есепке алынады.

- жол ақысына бағдарлама есебінен 3300 түрік лирасы көлемінде қаржы бөлінеді, тұратын орын қабылдаушы университет тарапынан қамтамасыз етіледі, сонымен қатар ғылыми дәрежесіне байланысты күніне 40-50 түрік лирасы көлемінде тәуліктік ақы төленетін болады. 

Бағдарлама бойынша қосымша ақпараттар үшін Халықаралық ынтымақтастық бөліміне жүгінулеріңізді сұраймыз (Гоголь көш., 40, 331a каб.).