2017 жылғы шілденің 10 мен 29 аралығында Mapúa Institute of Technology (Манила қ., Филиппины) Жазғы мектебіне қатысу үшін шәкіртақы тағайындауға байқау жарияланады.

Жазғы мектептің тақырыбы – «ЖАҢАРТЫЛАТЫН ЭНЕРГИЯ КӨЗДЕРІ». 3 апта бойы оқу кезінде студенттерге келесі тақырыптар ұсынылады: Энергияның геотермальды көздері, күн энергиясын пайдалану көздері, жел энергиясын пайдалану көздері. 

Mapúa Institute of Technology өтініштерді қабылдау мерзімі –  2017 жылдың 31 мамырына дейін.

Бағдарламаға қатысу шарттары:

- студентке шәкіртақы тағайындалған жағдайда, қабылдаушы университет төмендегідей шығындарды өтейді: «Жаңартылатын энергия көздері» тақырыбында 3 апта бойы оқу, мәдени бағдарлама, 3 апталық оқуды аяқтағаны туралы сертификат, әуежайда күтіп алу және тұратын орнына дейін шығарып салу, медициналық сақтандыру. 

- студент тұратын орны бойынша (шамамен, 300 USD) және ұшу шығындарын, сонымен қатар, жеке басы бойынша шығындарды өзі төлейді.

Талаптар:

- келесі құжаттарға қосымша ретінде он-лайн өтінішті толтыру: қолданыстағы биометриялық төлқұжаттың көшірмесі, оқу орнынан анықтама, оқу орнынан ұсыныс хат, «How is participating Mapúa International Summer School significant in your study plan?» тақырыбына эссе, транскрипт, IELTS / TOEFL сертификатының көшірмесі.

Толығырақ ақпараттар төмендегі сайтта: http://mapua.edu.ph/Academics/InternationalPrograms/Students.

 Бағдарлама бойынша сұрақтар туындаған жағдайда, Халықаралық ынтымақтастық және Болон процесі бөліміне хабарласуыңызды сұраймыз.