Қарағанды медицина университеті
«Медицина және экология» журналы
«Медицина» ай сайынғы газеті
Басты бет
Басқарма
Көшерова Бақыт Нұрғалиқызы

Клиникалық жұмыс жөніндегі проректор

Көшерова Бақыт Нұрғалиқызы

Көшерова Бақыт Нұрғалиқызы 1967 ж. дүниеге келді, ұлты – қазақ, білімі жоғары, 1990 жылы Қарағанды мемлекеттік медицина институтын «өте жақсы» деген бағаға тәмамдады.  Оқуды бітірген соң, Көкшетау облыстық емханасында жұқпалы аурулар дәрігері  болып қызмет атқарды.  1992 жылдың қаңтарынан бастап зертханашы, 1996 жылдың қыркүйегінен ассистент, 2000 жылдың қыркүйегінен бастап жұқпалы  аурулар кафедрасының доценті болып қызмет атқарды. 1997 жылы С.Д. Асфендияров атындағы ҚазҰМУ диссертациялық кеңесінде  жұқпалы аурулар мамандығы бойынша «Балаларда жіті және жіті емес ЖРВЖ формаларының клиникалық-биохимиялық аспектілері» тақырыбы бойынша медицина ғылымдарының кандидаты дәрежесіне ізденуге диссертациялық жұмыс қорғады. 2002 жылдан бастап медициналық колледждің директоры болып тағайындалды. 2006 жылы медицина ғылымдарының докторы дәрежесіне ізденуге ұсынылған «Балаларда сальмонеллез терапиясының патогенетикалық негіздемесі» атты диссертациялық жұмысты қорғады. 2007 жылдың қыркүйегінен бастап жұқпалы аурулар кафедрасының меңгерушісі болып қызмет атқарды.

2010 жылдың қаңтарында клиникалық дайындық пен түлектерді жұмысқа орналастыру бөлімінің бастығы болып тағайындалды. 2012 жылы клиникалық жұмыс пен үздіксіз кәсіптік даму жөніндегі проректор лауазымына ие болы. Б.Н. Көшерова авторластармен бірлесіп, «Санитарлық-гигиеналық зерттеулер техникасымен гигиена» және «Зерттеудің клиникалық-биохимимиялық әдістерімен биохимиялық химия», орта және жоғары білім мамандықтарына: «Зертхана диагностикасы», «медициналық-биологиялық іс» типтік оқу бағдарламаларын құрған. Көшерова Бақыт Нұрғалиқызы 110 ғылыми жұмыстың, соның ішінде,  4 оқу-әдістемелік құралдың, өнертабысқа 2 патенттің, 2 монографияның авторы.  Білім және ғылым министрлігінің құрмет грамотасымен, 2002 жылы «Қазақстан Республикасының құрметті  қызметкері» төсбелгісімен,  2005 жылы «Қазақстан Республикасының құрметті  қызметкері» төсбелгісімен, 2009 жылы «Қазақстан Республикасы денсаулық сақтау ісінің үздігіне» төсбелгісімен, «Қазақстан Республикасының тәуелсіздігіне 20 жыл» мерейтойлық медалімен марапатталды.

e-mail:  kosherova@qmu.kz