1) Білім беру процесінің сапасын қамтамасыз ету саласындағы саясат университеттің миссиясын іске асыруға, бәсекеге қабілеттілікті арттыруға және халықаралық стандарттарға сәйкестікке бағытталған. Университетте сапаны қамтамасыз ету үшін маңызды бағдар «Еуропалық жоғары білім беру кеңістігіндегі сапаны қамтамасыз ету стандарттары мен нұсқаулықтары» (ESG) талаптары болып табылады.

2) Сапаны қамтамасыз етудің негізгі қағидаттары болып табылады:

1. Студентке бағытталған оқыту. Университет білім алушылардың жан-жақты кәсіби және жеке дамуын қамтамасыз ете отырып, тиімді оқыту үшін жағдай жасауға бағытталған. Университет миссиясына сәйкес, қоғамның өзекті қажеттіліктеріне жауап бере алатын мамандарды даярлау басымдық болып табылады.
2. Оқытушылар құрамының құзыреттілігі. Университет оқытушылар құрамына біліктілікті арттыру бағдарламаларына қол жеткізуге мүмкіндік бере отырып, олардың тұрақты кәсіби дамуы үшін жағдай жасайды.
3. Заманауи білім беру технологиялары. Университет тиімді оқыту әдістерін пайдалануға бағытталған инновациялық технологияларды белсенді түрде енгізеді.
4. Академиялық адалдық және әдеп. Университет академиялық адалдықты қолдайды және плагиатпен және басқа да жосықсыз әрекеттермен күреседі.
5. Ғылыми зерттеулер және ғылымды оқытуға интеграциялау. Университет миссиясы білім алушылар мен оқытушылардың зерттеу дағдыларын дамытуды қамтиды, бұл ғылыми жетістіктерді оқыту үдерісіне енгізуге ықпал етеді.
6. Инфрақұрылым және білім беру ортасы. Университет білім алушылар мен оқытушыларды заманауи инфрақұрылыммен қамтамасыз етеді және табысты оқыту үшін жағдай жасайды.
7. Сапаны бағалау және бақылау. Университет білім беру процесінің сапасына жүйелі түрде мониторинг және бағалау жүргізеді. Оқыту мен оқытудағы кемшіліктерді уақытылы анықтауға және түзетуге мүмкіндік беретін кері байланыс тетіктері енгізілген. Сапаның жоғары стандарттарына қол жеткізу үшін ішкі және сыртқы аудиттерді, білім алушылар, оқытушылар және басқа да мүдделі тараптар арасында сауалнама жүргізуді қоса алғанда, объективті бағалау құралдары қолданылады.
8. Үздіксіз жетілдіру. Университет оқытудың заманауи әдістемелерін, технологиялары мен тәсілдерін енгізе отырып, білім беру процесінің барлық аспектілерін үздіксіз жақсартуға ұмтылады. Бағалау іс-шараларының нәтижелерін, білім алушылар мен оқытушылардан алынған кері байланысты, сондай-ақ сыртқы тексерулердің нәтижелерін жүйелі талдау оқу бағдарламалары мен әкімшілік процестерге өзгерістер мен жақсартулар енгізуге мүмкіндік береді.

3) «ҚМУ» КеАҚ білім беру процесінің сапасын қамтамасыз ету саласындағы саясатының міндеттері:

1. университет білім алушылары үшін кәсіби және жеке қасиеттерді, азаматтық ұстаным мен патриотизмді дамытуға, шығармашылық әлеуетін іске асыруға арналған орта құру;
2. білім сапасына кепілдік беру мақсатында білім, ғылым және практиканы интеграциялау;
3. тиімді кадр саясатын құру;
4. студентке бағытталған оқытуды ұйымдастыру;
5. білім беру процесінің ашықтығы мен айқындығы қағидатын қамтамасыз ету, сыбайлас жемқорлыққа тиімді қарсы іс-қимылға және академиялық адалдықты қолдауға бағытталған шараларды қабылдауға және нығайтуға жәрдемдесу;
6. сапаны сырттай қамтамасыз етуден өту.

4) Білім беру үдерісінің сапасын қамтамасыз ету саясаты университеттің сапа саясатының бағыттарын анықтайды, ұлттық және институционалдық контексті, халықаралық стандарттар мен критерийлердің талаптарын есепке ала отырып, ғылыми зерттеулер, оқыту және оқу арасындағы байланысты көрсетеді және университеттің Миссиясына сәйкес келеді.

5) Білім беру үдерісінің сапасын қамтамасыз ету саясатын жүзеге асыру жолдары:

1. ұлттық және халықаралық стандарттар негізінде білім беру бағдарламаларын үнемі қарап шығу;
2. оқу үдерісін үнемі бақылау, оқушылар мен оқытушылар арасында сауалнамалар жүргізу;
3. плагиат пен этикалық бұзушылықтарды болдырмау шараларын қолдану;
4. профессор-оқытушылар құрамы мен қызметкерлердің біліктілігін арттыруды ұйымдастыру;
5. жабдықтарды, оқу-әдістемелік және ақпараттық ресурстарды жаңарту;
6. оқу үдерісін жетілдіруге оқушылардың, оқытушылардың және жұмыс берушілердің белсенді қатысуын қамтамасыз ету;
7. инновациялық оқыту әдістерін және ғылыми-зерттеу жобаларын қолдау;
8. оқушылардың жетістіктерін бағалаудың тиімді және ашық жүйесін құру;
9. білім беру бағдарламаларын еңбек нарығының жаңа талаптары мен шақыруларына бейімдеу;
10. білім беру бағдарламаларының сапасын сыртқы бағалау жүйесін қолдану: халықаралық талаптарға сәйкестігін растайтын аккредитация, рейтингтерге қатысу.

6) Осы саятаның ережелерін орындауға жауапкершілік университет басқармасына, Сенатқа, факультеттерге, сондай-ақ барлық оқытушылар мен студенттерге жүктеледі. Сапа саяты білім беру үдерісінің барлық деңгейлеріне қолданылады және университеттің миссиясы мен ESG талаптарын ескере отырып, үнемі қаралып, жаңартылуы тиіс.